छाडि जानु थियो त, माया लायौ किन
बाचाकसम सातै जन्मको, खायौ किन

देखिएका घाउ भन्दा, नदेखिएका चोट धेरै
तिम्रो मायामा पाएँ, विश्वासभन्दा खोट धेरै
ओतै नलाग्ने मायाको घर छायौ किन
बाचाकसम सातै जन्मको, खायौ किन

छेवै बसी पिरतीका शब्द ओकल्थ्यौ
यो जुनी केवल तिम्रै भनी टोपल्थ्यौ
माया लाएर अरुसँगै तिमी धायौ किन
बाचाकसम सातै जन्मको, खायौ किन

छाडि जानु थियो त, माया लायौ किन
बाचाकसम सातै जन्मको खायौ किन