यही मंसीर १० गते “नव प्रतिभाहरुलाई सम्मान तथा बधाई कार्यक्र साथमा रिना बम्जन ‘बुद्ध’को तामाङ भाषाको गजल संग्रह ‘खसु न्हङला लनि’ (बादलभित्रको जुन) विमोचन” कार्यक्रम राष्ट्रिय सभागृहमा सम्पन्न भयो । उर्जाराज्य मन्त्री सुर्यमान दोङको प्रमुख आतिथ्य र नेपाल तामाङ संस्कृति घेदुङका अध्यक्ष दोर्जे गोलेको सभापतित्वमा कार्यक्रम भएको थियो । सो अवसरमा विभिन्न संग संगठनका प्रतिनिधि, बुद्धिजीवी हरुलाई समेत आसन ग्रहन गराईएको थियो । कार्यक्रमलाई प्रमुख अतिथी दोङले दिप प्रज्वलन गर्दै औपचारिकता दिईएको थियो । स्वागत मन्तब्य तथा कार्यक्रमको बारे विस्त्रित जानकारी कार्यक्रम विनोद घिसिङले गरेका थिए ।

नेपाली र तामाङ दुवै भाषामा लेख्ने गजलकार रिना बम्जन “बुद्ध” ले नयाँ कृति “खसुन्हङला लनि” (बादलभित्रको जुन) ल्याएकी छिन् । २३ वर्षिया बम्जनले यसअघि “सिर्जनाका स्वरहरु” संयुक्त गजल कृति निकालिसकेकी छन् । शनिबार उर्जामन्त्री सुर्यमान दोङले कृति विमोचन गरेका थिए । प्रस्तुत गजल संग्रहमा जम्मा ४८ वटा गजलहरु समावेश गरिएको छ । प्रकाशित प्रस्तुत ४८ गजलहरुमा प्रयोग गरिएको भाव, शिल्प, प्रतिक विम्व, रस र कलात्मकता निकै सशक्त रहेका छन् ।  बिक्रम सम्बाट २०६१ मा सिन्धुलीको यकिना अगाधको "छोन्बो नाम्सा", २०६२ मा काभ्रेकी सिर्जना गोलेको "दुइला ऐना", २०६८ मा काभ्रेकै इस्वर थोकरको "पिङ्गाइ", सिन्धुलीको गोले के आर चालिसेलिको "वलिम्हेन्दो" र काभ्रेका रिना बोम्जनको "खसुनङला लनी" समेत गरी ५ वटा तामाङ गजल सङ्ग्रहहरु प्रकाशसित् भएका छन् ।

कार्यक्रममा बोल्दै रिना बम्जनले प्रकाशक पूजा लामा, सम्पूर्ण सहयोग गर्ने ब्यक्ति संघ संगठनलाई धन्यवाद ज्ञापन गरेका थिए । साथै संग्रहलाई अध्ययन गरी समीक्षा गरिदिन पनि अनुरोध गर्दै कृति भित्र समेटिएका गजलहरुमध्ये एक गजल वाचन गरेका थिए । अनि आफ्नो आपा–आमाप्रति विशेष सम्मान ब्यक्त गरेका थिए ।

कार्यक्रममा नव प्रतिभाहरुलाई समेत सम्मान तथा बधाई दिइएको थियो । जसमा सिङगिङ स्टार रितु लामा, मिस तामाङ रोजिना घिसिङ, फसर्ट रनर अप तारा घिसिङ, सिटीईभिटी बाट विज्ञान संकायमा छात्रातर्फ नेपाल टप गरेका सुनिता लामा लगायतलाई सम्मान गरिएको थियो । उक्त कार्यक्रममा नव सम्मानित प्रतिभाहरुले आफ्नो सफलताको पछाडिको संघर्षका कथाहरु सुनाएका थिए ।

कार्यक्रममा बोल्दै प्रमुख अतिथी सुर्यमान दोङले “हामीले नदेखेका उनले देखेकी छन् ।” साथै बधाई तथा कृति सफलताको लागि शुभकामना दिएका थिए । नेपाल संघिय गणतन्त्रमा गईसकेको अवस्थामा अखन्डित ताम्सालिङ सहितको संविधान दीगो शान्तिको लागि तामाङहरु एकजुट हुनुपर्ने कुरामा जोड दिदैं यो सरकार यसै कुरामा अहिले प्रतिबद्धका साथ लागिपरेको बताए  ।